АҚШда светофорлар ишлаш алгоритмига ўзгартириш киритишни таклиф қилган фуқаро жаримага тортилди. Бу ҳақда Адолат институти сайти хабар бермоқда, деб ёзади «Мотор».
Швеция Ҳарбий-ҳаво кучларида хизмат қилган Мэтс Ярлстром светофор сигналлари ва қоидабузарликларни қайд этувчи йўл камералари алоқасида номувофиқликни аниқлади.
Орегон штатида истиқомат қилувчи Ярлстром ўз тадқиқотларини бир неча йил аввал бошлаган. Бунга светофорнинг тақиқловчи сигналида чорраҳадан ўтган рафиқасининг жаримага тортилиши сабаб бўлган. У сариқ ва қизил сигналлар ёниш алгоритмини ўргана бошлади ва светофорлар ишлаш схемаси 1950 йилларнинг охирида ишлаб чиқилганлиги ва ҳанузгача қўлланишини аниқлади.
Ярлстромнинг фикрича, қоидабузарликларни қайд этувчи камералар пайдо бўлгандан сўнг алгоритм ўзгартирилиши керак бўлган. Тизим чорраҳани қизилда кесиб ўтаётган (жумладан, тўғри ҳаракатланаётган) машиналарни аниқлашга созланган. Бироқ у автомобиль ўнгга буриладиган вазиятларни ҳисобга олмайди.
Ҳайдовчи чорраҳага яқинлашаётиб огоҳлантирувчи сариқ рангни кўрса секинлашиб, тўхташ чизиғида тўхташи лозим. Бироқ Ярлстромнинг фикрича, агар ҳайдовчи бу пайтда бурилса, у чорраҳада қизил чироқ ёнган пайтда пайдо бўлиши мумкин.
Тадқиқотчи светофорнинг сариқ ранги узоқроқ ёниши керак деб ҳисоблайди. Шунда йўлга рухсат берувчи сигналда чиқиб, қизил чироқ ёнгунча ҳаракатланишини тўхтата олмаганлар жаримага тортилмайди.
Ярлстром светофорлар ишлашининг ўз алгоритмини ишлаб чиқди ва уни штат расмийларига етказишга уринди. Бундан ташқари, у Орегон штати Муҳандислик ва ер тузиш экспертлар кенгашига мурожаат қилди. Кенгаш унинг таклифини кўриб чиқди ҳамда уни 500 доллар жаримага тортди. Тадқиқотчи лицензиясиз муҳандислик амалиётида айбланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)