Тереза Мэй британиялик энг машҳур бош вазир деб топилди

Ipsos Мori компаниясини ўтказган сўровга кўра, Буюк Британия бош вазири Тереза Мэй машҳурликда мамлакатнинг собиқ раҳбарларини ортда қолдирди. Бу ҳақда Independent нашрига таяниб, «Корреспондент.net» хабар берди.

Такидланишича, сўровда иштирок этганларнинг 61 фоизи Мэйнинг мамлакат бошлиғи сифатидаги фаолиятини ижобий баҳолаган.

Шунингдек, Тони Блэр Британия бош вазири вазифасини эгаллаганида 52 фоиз овоз олган бўлса, Маргарет Тэтчер фаолиятини 48 фоиз одам ижобий баҳолаган эди.

Independent’нинг таъкидлашича, амалдаги бош вазирнинг қўллаб-қувватланиши 1970 йилдан бери ўтказилган шу каби сўровларнинг рекорд даражаси бўлган.

Эслатиб ўтамиз, Тереза Мэй Time журнали томонидан тузилган дунёнинг 100 нафар энг нуфузли етакчилари рўйхатидан жой олганди.

«Дарё»нинг Telegram’даги расмий канали — @toshqindaryo’га аъзо бўлинг!