Аргентиналик судья тергов олиб борилаётган мамлакат собиқ президентига хорижга чиқишга рухсат берди

Аргентиналик судья Клаудио Бонадио бир неча жиноий иш қўзғалган мамлакат собиқ президенти Кристина Фернандес де Киршнерга хорижга чиқишга рухсат берди. Бу ҳақда «ТАСС» маълум қилди. 

Суд ҳужжатларига кўра, де Киршнерга 5—19 май кунлари Греция, Бельгия ва Буюк Британияга боришига рухсат берилади. Бунинг учун у 150 минг песо (9,7 минг доллар) гаров пули тўлайди. 

Собиқ президент билан бирга қизи Флоренсия Киршнер (у ҳам айни пайтда тергов остида) сафар қилиши мумкин. Улар Аргентинага келганидан сўнг 48 соат давомида судга учраши ва қайтгани ҳақида шахсан хабар бериши лозим. 

Клаудио Бонадио Киршнерлар оиласига тегишли Los Sauces компанияси орқали коррупция натижасида топилган маблағларни легаллаштиришда айблаб, собиқ президент ва унинг фарзандларига нисбатан иш қўзғади.

«Дарё»нинг Telegram’даги расмий канали — @toshqindaryo’га аъзо бўлинг!