Бугун,

  • USD 11014.01
  • RUB 191.8
  • EUR 10674.78

Наманган вилоят ИИБ Хорижга чиқиш-келиш ва фуқароликни расмийлаштириш бўлими томонидан жойларда чет эл фуқаролари ва фуқаролиги йўқ шахслар билан очиқ мулоқотлар ўтказилмоқда. Бу ҳақда «Дарё»га Наманган вилоят ИИБ матбуот хизмати маълум қилди.

Фото: Наманган вилоят ИИБ матбуот хизмати

Фото: Наманган вилоят ИИБ матбуот хизмати

Қайд этиш жоизки, чет эл фуқаролари ва фуқаролиги бўлмаган шахслар томонидан Ўзбекистон Республикаси фуқаролигини қабул қилиш билан боғлиқ кўплаб мурожаатлар келиб тушмоқда. Шу сабабли бўлим томонидан бугунги кунгача Уйчи, Учқўрғон, Янгиқўрғон, Чортоқ ва Косонсой туманларида шундай шахслар билан очиқ мулоқотлар ташкил этилди. 

Мулоқотлар давомида уларга «Ўзбекистон Республикаси фуқаролиги тўғрисида»ги Қонун ҳамда «Ўзбекистон Республикаси фуқаролиги билан боғлиқ масалаларни кўриб чиқиш тартиби тўғрисида»ги Низом талаблари тушунтирилмоқда.

Ўзбекистон Республикаси фуқаролигини қабул қилиш, чет эл фуқароларини вилоят ҳудудига вақтинча ва доимий руйхатга қўйиш тартиби, қўшни давлатлар билан фуқароларнинг келиб-кетишлари тўғрисидаги битим шартлари, фуқаролик паспортини олиш билан боғлиқ мурожаат ва муаммолари тингланиб, улар юзасидан тушунча ва ҳуқуқий маслаҳатлар берилди.

Очиқ мулоқотлар шаҳар ва туманларда белгиланган жадвал асосида давом эттирилмоқда.

«Дарё»нинг Telegram’даги расмий канали — @toshqindaryo’га аъзо бўлинг! 

Изоҳ
Асосий янгиликлар