Бугун,

  • USD 10940.05
  • RUB 182.26
  • EUR 11121.65

Россиянинг Благовешенск шаҳар суди чегарадан миллион рубль қийматига тенг соф олтинни олиб ўтишга уринган Хитой фуқаросини 70 минг рубль жаримага тортди, деб хабар берди «РИА Новости».

Фото: «РИА Новости»

Фото: «РИА Новости»

Экспертизанинг аниқлашича, тугунча ичидан табиий олтин чиққан. Аввал судланмаган Хитой фуқароси Му Личунь 2016 йил октябрида номаълум шахсдан олтинни Россиядан Хитойга олиб ўтиш учун олган.

«Му Личунь тугунчада бўлган табиий олтинни божхона назоратидан яшириш мақсадида сигаретнинг бўш қутиси ичига жойлаб, уни кийимининг устки чўнтагига солиб қўйган», — дейди суд.

Му Личунь ўз айбини тан олган ва жиноятнинг очилишида фаол ёрдам кўрсатган. Суд Хитой фуқаросининг вояга етмаган фарзанди борлигини инобатга олиб 70 минг рубль миқдорда жаримага тортди. Олтин эса давлат ҳисобига ўтказиб юборилди.

«Дарё»нинг Telegram’даги расмий канали — @toshqindaryo’га аъзо бўлинг!

Изоҳ
Асосий янгиликлар