Голливуддаги «Шон-шараф хиёбони»да Америка президенти Дональд Трамп юлдузида ахлоқсиз ёзув пайдо бўлди. Бу ҳақда TMZ’га таяниб, «Корреспондент.net» хабар берди.
Бу ОАВ томонидан Трамп январь ойида президентлик курсисига ўтирганидан сўнг, унинг юлдузига нисбатан аниқланган биринчи таҳқирлаш ҳодисасидир. Номаълум шахс юлдузга фломастер билан Трамп номига ахлоқсиз сўзни ёзиб кетган.
Трамп президент сифатида сайлангунга қадар бу каби ҳодисалар тез-тез учраб турарди.
Юлдузга энг жиддий зарар 2016 йилда, маҳаллий фуқаролардан бири кувалдо билан урганида етказилган. Юлдузни алмаштириш учун 30 минг доллар сарфлашга тўғри келган. Айбланувчи Жеймс Отис ўз айбини тан олган ва 4,4 минг доллар жаримага тортилиб, 3 йилга шартли равишда қамоқ жазосига маҳкум қилинган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)