Вьетнамдаги қишлоқ аҳолиси гаровда ушлаб турилган 19 нафар полициячини қўйиб юборди

Вьетнамнинг Майдук қишлоғи аҳолиси ўтган ҳафтадан бери гаровда ушлаб турилган полициячиларни қўйиб юборди. Бу ҳақда «РИА Новости» хабар бермоқда.

Ҳарбий телекоммуникация компанияси томонидан ерлари эгаллаб олинишидан норози бўлган қишлоқ аҳолиси 15 апрель куни 38 нафар полициячи ва хавфсизлик хизмати ходимини гаровга олганди.

Кейинчалик улардан 16 нафари қўйиб юборилди, уч нафари эса қочиб кетди.

Қолган 19 нафар полициячи 22 апрель, шанба куни аҳолининг маҳаллий юқори мартабали мансабдор Нгуен Дук Чунг билан учрашувдан сўнг қўйиб юборилди.

Мансабдор мазкур муаммо расмийлар томонидан кўриб чиқилиши ва 45 кун давомида ҳал этилишини ваъда қилди.