Vyetnamning Mayduk qishlog‘i aholisi o‘tgan haftadan beri garovda ushlab turilgan politsiyachilarni qo‘yib yubordi. Bu haqda “RIA Novosti” xabar bermoqda.
Harbiy telekommunikatsiya kompaniyasi tomonidan yerlari egallab olinishidan norozi bo‘lgan qishloq aholisi 15-aprel kuni 38 nafar politsiyachi va xavfsizlik xizmati xodimini garovga olgandi.
Keyinchalik ulardan 16 nafari qo‘yib yuborildi, uch nafari esa qochib ketdi.
Qolgan 19 nafar politsiyachi 22-aprel, shanba kuni aholining mahalliy yuqori martabali mansabdor Nguyen Duk Chung bilan uchrashuvdan so‘ng qo‘yib yuborildi.
Mansabdor mazkur muammo rasmiylar tomonidan ko‘rib chiqilishi va 45 kun davomida hal etilishini va’da qildi.
Izoh (0)