Австралия ташқи ишлар вазири Жули Бишоп Шимолий Корея унинг мамлакати ва Осиё-Тинч океани минтақаси хавфсизлигига таҳдид солаётгани ҳақидаги баёнотини такрорлади. Бу ҳақда «ТАСС» хабар бермоқда.
КХДР газеталарида 22 апрель, шанба куни Шимолий Корея ТИВ вакилининг Австралия «АҚШ тутган йўлга кўр-кўрона эргашиш»да айбланган мақоласи эълон қилинганди.
Бунга жавобан Бишоп журналистлар билан суҳбатда «Шимолий Корея қўшнилар учун улкан хавф эканлиги, агар тийилмаса, бундан ҳам йирик минтақа, жумладан, Австралияга ҳам таҳдид туғдириши»ни тасдиқлади.
«Шимолий Корея тузуми маблағларини оммавий қирғин қуроллари яратишга эмас, ўзининг жафокаш халқи фаровонлигини таъминлашга сарфлаши лозим», — хулоса қилди Австралия ташқи ишлар вазири.
Изоҳ (0)