2017 йил 8 апрель куни номаълум шахс кеч соат 20:30 да Учтепа туманида ўзининг Matiz русумли автомобилида машинасига йўловчи сифатида ўтирган мактаб ўқувчиси А.га нисбатан зўрлик ишлатиб, жинсий эҳтиёжини ғайритабиий усул билан қондиришга урингани аниқланди. Бу ҳақда «Darakchi.uz» хабар бермоқда.
Бу ҳақда Тошкент шаҳар ИИББ томонидан навбатдаги профилактика куни муносабати билан ўтказилган брифингда маълумот берилди.
Номаълум шахс мактаб ўқувчиси А.га нисбатан жинсий эҳтиёжини ғайритабиий усулда қондирмоқчи бўлган вақтида қиз қаршилик кўрсатган ва уни итариб юбориб, автомашинани тарк этган ҳамда атрофдагилардан ёрдам сўраган.
Мазкур ҳолат юзасидан Ўзбекистон Жиноят Кодексининг 119-модда 4-қисми, яъни 14 ёшга тўлмаган шахсга нисбатан жинсий эҳтиёжини ғайритабиий йўл билан қондиришга суиқасд аломати билан жиноий иш қўзғатилди.
Олиб борилган тергов тезкор ҳаракатлар давомида жиноятни Ҳасан Исаев исмли шахс амалга оширганлиги аниқланди. Унинг бошқарувидаги Matiz’да вояга етмаган А.га тегишли бўлган Nokia русумли телефон аниқланиб, далилий ашё билан қўлга олинди.
Ҳозирда жиноятчи қамоққа олиниб, тергов ишлари амалга оширилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)