Ўзбекистон Президенти Самарқанд вилоятида сув ресурсларидан унумли фойдаланиш, сув тармоқларини модернизация қилиш лойиҳаларини кўздан кечирди, дея хабар бермоқда ЎзА.
Вилоятда сўнгги йилларда бир неча йирик сув иншоотлари қурилди. Ургут туманида «Камангарон», Қўшработ туманида «Оқчобсой» сув омборлари, Нуробод туманида «Омондара» сув тўғонининг барпо этилиши худудларда сув ресурсларини бошқаришда самарадорликни янада оширди, минглаб гектар майдонларда сув танқислигининг олдини олди.
Келгуси уч йилда вилоятда 55 насос станциясини тўлиқ таъмирлаш режалаштирилган. Натижада 60 минг 619 гектар майдонда сув таъминоти яхшиланади, ҳар йили 29,9 миллион кВт соат электр энергияси ҳамда 720 миллион сўм эксплуатация харажатлари иқтисод қилиниб, 6,4 миллиард сўм бюджет маблағлари тежалади.
Лойиҳа харажатлари 6—7 йилда тўлиқ қопланади.
Сувни самарали ишлатиш минтақамиздаги долзарб масалалардан бири. Шу боис ушбу ресурсдан фойдаланишни илғор талаблар асосида ташкил этиш лозим.Насос станциялари ва каналларни сифатли таъмирлаш, бунда энергия тежовчи, жаҳон стандартларига жавоб берувчи технологиялардан фойдаланиш бўйича кўрсатмалар берилди.Шавкат Мирзиёев, Ўзбекистон Президенти
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)