Россиянинг Иркутск вилояти Брацкий туманида йўлдаги икки метрлик ўрани тўлдириш учун келган «КАМАЗ» ўша чуқурга ўзи тушиб кетди. Бу ҳақда TJournal хабар бермоқда.
Маҳаллий аҳолининг сўзларига кўра, йўл устидаги ўпирилишлар бир йил аввал — 2016 йилнинг март ойида пайдо бўлган, бироқ уларни тўлдиришга ҳеч ким шошмаган. Туман маъмурияти бу ердан канализация ўтгани учун техник қийинчиликар бор, дея ишни пайсалга солган.
2016 йил август ойида прокуратура маҳаллий маъмуриятга ўпирилишларни 2016 йилнинг октябрь ойига қадар бартараф этиш мажбуриятини юклаган. Бироқ ишни амалга оширган пудратчининг айтишича, чуқурларни кўмишнинг имконияти эндигина пайдо бўлган.
2017 йилнинг апрелида маҳаллий ҳокимият ўпирилишларни тўлдиришга тушган. Чуқурлардан бирини махсус техника тўлдиришга муваффақ бўлган, иккинчисига эса «КАМАЗ» тушиб кетган. Машинани икки соатдан сўнггина экскаватор ёрдамида чиқариб олишга эришилган.
Пудратчининг сўзларига кўра, тупроқни ювиб кетган канализация оқими тўхтатилган. Ўпирилишлар пайдо бўлган жойни яқин орада зичлаб, текислаш режалаштирилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)