Мельбурн (Австралия) яқинидаги Мелтон шаҳарчасида жойлашган озиқ-овқат маҳсулотлари дўкони эгаси Лунжи Лин эшикка 14 дан 18 ёшгача бўлган қора танли ўсмирлар ва итлар кириши ман этилишини англатувчи билдирув ёпиштиришга мажбур бўлди. Бу ҳақда TJournal хабар бермоқда.
Тадбиркор бир неча йигитчалар унинг кўз олдида ва кузатув камераларидан ҳайиқмай пештахталардан маҳсулот ўғирлаганидан сўнг шундай қарорга келди. Лунжи Лин талончиларни тўхтатишга ҳаракат қилди, бироқ бу умуман наф бермади.
«Бундай ҳодиса икки ой мобайнида йигирманчи маротаба содир бўлди. Уларни тўхтатишга уринсам, муштлашишга чорлаб, мазах қилишди. Полицияга қўнғироқ қилиш фойдасиз, уларнинг қўлидан ҳеч нарса келмайди. Тўғриси, жонимга тегиб кетди», — дейди ҳафсаласи пир бўлганини яширмаган Лунжи Лин.
Дўкон эгаси бир неча соатдан сўнг ҳовуридан тушиб, ойнадаги билдирувни олиб ташлади. Бироқ уни кимдир суратга тушириб, ижтимоий тармоққа жойлаштиришга улгурди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)