Ўзбекистон ва Урал тоғ-металлургия компанияси пўлат қуйишни йўлга қўйиш учун Тебинбулоқ конида (Қорақалпоғистон) таркибида ванадий мавжуд бўлган титаномагнетит рудасини ишлаб чиқиш бўйича лойиҳани амалга ошириш ҳақидаги меморандумни имзолади, деб ёзади UzNews.

Foto: UzNews

Фото: UzNews

Мазкур ҳужжат 2017 йилнинг 3 апрелида Ўзбекистон Президенти Шавкат Мирзиёевнинг давлат ташрифи доирасида Ўзбекистоннинг Москвадаги элчихонасида бўлиб ўтган тадбир давомида имзоланди.

Инвестиция ҳажми — 1,5 миллиард доллар. Лойиҳа доирасида йилига 22 миллион тонна руда қазиб олинувчи очиқ конни қазиш, таркибида ўртача 65 фоиз темир бўлган темир рудаси концентратини олиш учун тоғ-кон комбинати, шунингдек, йилига 1,5 миллион тонна чўян ишлаб чиқариш қувватига эга металлургия комплексини қуриш кўзда тутилган.

Маҳмудов Искандар Қаҳрамонович 1963 йилнинг 5 декабрида Бухорода дунёга келган — асли келиб чиқиши ўзбек бўлган россиялик тадбиркор, Урал тоғ-металлургия компанияси асосчиси ва президенти. Forbes маълумотига кўра, 2016 йилда унинг бойлиги 4 миллиард долларни ташкил этган.

«Дарё»нинг Telegram’даги расмий канали — @toshqindaryo’га аъзо бўлинг!