Жанубий Корея терговчилари собиқ президент Пак Кин Хени бешинчи бор сўроқ қилишга киришди

Жанубий Корея терговчилари мамлакат собиқ президенти Пак Кин Хени бешинчи бор сўроқ қилишга киришди, деб хабар берди «ТАСС».

Тергов соат 09:15 да (Тошкент вақти билан 05:15), Пак Кин Хе 31 мартдан бери сақланаётган Сеул марказий қамоққача ҳибсхона биносида бошланди. Аввалроқ, собиқ президент 4,6,8, ва 10 апрель кунлари сўроқ қилинган эди»,— деб келтиради прокуратура матбуот хизмати.

Олдинги тергов натижалари ҳақида маълумотлар келтирилмаган.

Пак Кин Хени биринчи марта сўроқ қилиш жараёни 11 соат давом этган эди. Сўроқ давомида собиқ президент 13 та бандни ўз ичига олувчи барча айбловлар, жумладан, порахўрлик, мансаб ваколатини суиистеъмол қилиш, тамагирлик ва давлат сирларини ошкор қилиш мақсадида тил бириктириш айбларини инкор қилганди.

Агарда суд собиқ президентни айбдор деб топадиган бўлса, унга 10 йилдан 45 йилгача қамоқ жазоси хавф солмоқда.

«Дарё»нинг Telegram’даги расмий канали — @toshqindaryo’га аъзо бўлинг!