Россия президенти Владимир Путин «Мир 24» телеканалига берган интервьюсида Қозоғистон президенти Нурсулон Назарбоевнинг ИШИД террорчилик ташкилотига алоқадорларни фуқароликдан маҳрум қилиш қарорига изоҳ берди, деб хабар берди «Газета.ru».
«Россия конституциясига мувофиқ биз ҳеч кимни фуқароликдан маҳрум қила олмаймиз. Бироқ Россия фуқаролигини олишда асос бўлиб хизмат қилган қарорни бекор қилишимиз мумкин», — деди Путин.
Шунингдек, Россия президенти бу масала бўйича ҳуқуқшунослар билан маслаҳатлашиб, шундан сўнг қарор қабул қилинишини таъкидлади.
Аввалроқ, Қозоғистон президенти Нурсултон Назарбоев ИШИД гуруҳига аъзо бўлган қозоғистонликлар фуқароликдан маҳрум этилишини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)