Сербия қуролли кучлар ҳарбий хизматчилари ва полиция ходимлари касаба уюшмалари Белградда мамлакат бош вазири ва сайланган президенти Александр Вучичга қарши оммавий намойишларда иштирок этди. Бу ҳақда «РИА Новости» маълум қилди.
Минглаб намойишчилар шаҳар марказидаги Кнез Милош кўчасида ҳаракатни тўсиб қўйди ва Сербия ҳукумати биноси қаршисида тўпланди.
Улар 2 апрель куни бўлиб ўтган президентлик сайловларида 55,06 фоиз овоз тўплаб, ғолиб чиққан Вучични ҳақоратловчи сўзларни билдирмоқда.
Олтинчи бор ўтказилаётган акция иштирокчилари аввалгилари каби ижтимоий тармоқлар ёрдамида тўпланди. Уларнинг Facebook’даги саҳифаси «Диктатурага қарши норозилик» деб номланади.
Саҳифада кўчаларга чиқиш ва «АВ (Александр Вучич) — бизнинг президент эмас»лигини кўрсатишга чақирилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)