Самарқанднинг «Динамо» клуби собиқ футболчиси Сирожиддин Сайфиев саратон касаллигига чалинган, деб ёзди «Championat.asia». Айни вақтда уни қўллаб-қувватлаш учун #taslimbolmasiroj акцияси очиқ деб эълон қилинган.
Акция давомида йиғилган маблағ футболчининг саломатлиги учун сарф этилади. Унинг ҳаёти сақлаб қолинадими ёки йўқ — аниқ эмас.
Бир неча йил олдин бутун дунёда машҳур футболчи Эрик Абидалнинг дард билан курашиши учун катта акция ўтказилган бўлиб, ҳамкасбларининг қўллаб-қувватлаши натижасида Абидаль шифо топганди.
Сайфиев футболчилик фаолиятини якунлаганидан сўнг дардга чалинди. Унинг илк аломатлари 2015 йил кўзга ташланган. Дастлаб касаллик футболчининг буйрагида аниқланган. Ташхис — III босқич.
Пулга муҳтожлик сезган Сирожиддин «Динамо»да ишлаб топган пулларини сўраган. Бироқ клуб футболчи олдидаги қарзни қайтаришни истамаган. Сайфиев яқинлари ёрдамида кимётерапия олгач, ўпкасидаги ўсимтанинг ярми йўқ қилинган ва касалликни ривож олиши тўхтатилган. Аммо 2016 йил унинг бошида қаттиқ оғриқ туради ва касаллик бош қисмига ўтгани маълум бўлади.
Даволаниш давомида катта пул кетди. Бу борада унга футболчи Эркин Бойдуллаев яқиндан ёрдам берган ҳамда ўлим билан курашаётган дўстини Москвага жўнатган. Бунда «Динамо»нинг ҳозирги раҳбарияти ҳам ёрдам қўлини чўзган. Москвада Сирожиддин 3—4 апрель кунлари икки мара кучли кимётерапияни бошдан ўтказган.
Шифоркорларнинг айтишича, унинг бошидаги олти ўсимтадан ярмини қисқартиришга эришилган. Қолган учтаси ҳозирча кичик ҳолатда. Бу каби ташхиси бор беморнинг ҳаёти унинг организми дард билан қанчалик кураша олишига боғлиқ.
Изоҳ (0)