Арманистон Марказий сайлов комиссияси 2 апрель, якшанба куни республикада бўлиб ўтган парламент сайловларидаги сайловчиларнинг овозини ҳисоблаб чиқди, деб хабар беради «Коммерсантъ».
«Интерфакс»нинг ёзишича, дастлабки ҳисоб-китоблар бўйича мамлакат президенти Серж Саргсян бошчилик қиладиган ўнг консерваторлар партияси 49,12 фоиз овоз тўплаган. Бу ҳақда Арманистон Марказий сайлов комиссияси раиси Тигран Мукучян маълум қилди.
Унинг сўзларига кўра, иккинчи ўриндан «Яшнаётган Арманистон» партияси раҳбари Гагик Царукян бошчилигидаги «Царукян» блоки жой олди. Унга сайловчиларнинг 27,32 фоизи овоз берган. Учинчи ўринни парламент депутати Никол Пашинян бошчилигидаги «Елк» («Чиқиш») мухолифат блоки 7,77 фоиз овоз билан эгаллаган.
Республика парламентига ўтган тўртликни «Дашнакцутюн» арман революцион федерацияси 6,57 фоиз овоз билан якунлади.
Ушбу сайлов мамлакатда конституцион ислоҳотдан кейинги биринчиси ҳисобланади. Амалдаги президент Серж Саргсяннинг ваколати 2018 йилда тугагач, Арманистон парламентар республикага айланади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)