Ижтимоий тармоқлардаги аккаунтларингизни ҳимоя қилишнинг 3 та оддий усули

Ижтимоий тармоқлардаги шахсий саҳифаларингизни ёвуз ниятли хакерлар ҳужумидан ҳимоя қилиш учун қуйидаги оддий маслаҳатларга амал қилинг.

Икки факторли авторизацияни ёқинг

Икки факторли авторизация ишлаганда тармоқ паролдан ташқари SMS-хабар ёки кодларни яратиб берувчи дастурдаги махсус кодни киритишни сўрайди. Ҳимоянинг иккинчи фактори мана шудир. Икки факторли авторизация қандай ёқилади?

Facebook

Созламалар бўлимига ўтиб, «Хавфсизлик» вкладкасини танланг. «Киришни тасдиқлаш»га босинг ва икки факторли аутентификацияни ёқинг.

Instagram

Созламалардаги «Аккаунт» бўлимига ўтиб, «Икки факторли аутентификация»га киринг ва «Хавфсизлик кодини талаб қилиш» бандини ёқинг.

«Одноклассники»

Созламаларни очинг, «Асосий» вкладкасига ўтинг ва «Икки ёқлама ҳимоя» бандини танланг.

Ижтимоий тармоқ орқали бегона дастур ва сайтларга киришни тақиқланг

Ишлаб чиқувчилар кўпинча ижтимоий тармоқлар учун махсус дастурларни яратади. Аммо бегона дастурлардан фойдаланиш тавсия этилмайди, фақат расмийларини ишлатинг. Ижтимоий тармоқ орқали тезкор киришни амалга ошириш керак бўлса, ишончлиларинигина танланг. Ва, асосийси, қайси дастурларга профилингизда рухсат берилганини текширинг ва маълумотларингиздан фойдаланиш учун рухсатни созланг.

Facebook

Созламаларни очинг, «Дастурлар» вкладкасини танланг — сизнинг Facebook’даги аккаунтингиздан фойдаланадиган дастурлар рўйхати пайдо бўлади. Шунда ушбу дастурлар қандай маълумотлардан фойдаланиши мумкинлигини белгилашингиз мумкин.

Instagram

Instagram’нинг веб-версиясини очинг ва ўз профилингиз саҳифасига ўтинг. «Профилни таҳрирлаш»ни босинг ва «Рухсат берилган дастурлар» вкладкасини танланг.

«Одноклассники»

Созламаларга кириб, «Бегона дастурлар» вкладкасини очинг. «Одноклассники»даги аккаунтингиз маълумотларидан фойдаланувчи дастурлар акс этади.

Шахсий маълумотларнинг приватлигини созланг

Facebook

Шахсий маълумотларнинг приватлигини созлаш учун «Махфийлик», «Хроника ва белгилар» ва «Ҳаммабоп постлар» бўлимлардан фойдаланинг.

Instagram

Instagram’да сизнинг аккаунтингизни бошқа фойдаланувчиларга тавсия қилиш мумкин ёки мумкин эмаслигини кўрсатиш керак. Буни сервиснинг веб-версиясида, созламаларнинг «Профилни таҳрирлаш» бўлимида қилиш мумкин.

«Одноклассники»

Созламалардаги «Ошкоралик» бандини танланг.

Манба: «Лайфхакер»