Турк хакерларининг таҳдидига қарамай дунёдаги юз миллионлаб iCloud аккаунти ҳамда корпорациянинг бошқа хизматлари хавфдан холи қолмоқда. Apple компанияси вакиллари сўнгги вақтда ўзларининг бирорта рақамли хавфсизлик тизими бузилмаганини эълон қилди, деб Fortune нашрига таяниб, хабар беради TJournal.
Apple вакилларининг сўзларига кўра, фирибгарлар @icloud.com ва @me.com домен манзиллари ҳақида берган эълони эски бузилишга тегишли бўлиб, ҳозирда уларнинг хавфсизлиги қайта тикланган.
Шунингдек, компания фойдаланувчиларга Apple ID ҳамда бошқа машҳур, лекин хавфсизлиги паст бўлган сервислардаги (маласан, Linkedln, Yahoo ва Dropbox) паролларни ўзгартиришни маслаҳат берди.
Turkish Crime Family хакерлар тўдаси 300 миллион iCloud аккаунти ҳамда Apple’нинг бошқа сервисларини қўлга киритганлиги ҳақида хабар 22 мартда пайдо бўлганди.
Фирибгар хакерлар Apple’дан 75 минг доллар миқдордаги пулни Bitcoin тўлов тизими ёки 100 минг долларни iTunes совға карточкалари орқали талаб қилган. Айтилган миқдордаги пул тўланмаган тақдирда, улар аккаунтлардаги барча маълумотларни ўчириб ташлашга ваъда берганди.
Изоҳ (0)