Хитойда яратилаётган йўловчилар учун мўлжалланган C919 реактив авиалайнери шу йилнинг биринчи ярмида Шанхайда бўлиб ўтадиган ўзининг биринчи синов парвозига тайёр. Бу ҳақда «Синьхуа» агентлигига таяниб, «ТАСС» хабар бермоқда.
Ҳаво кемасини ишлаб чиқарувчи Хитой тижорат авиацияси корпорацияси (COMAC)нинг маълумот беришича, 63 нафар мутахассисдан иборат баҳоловчи комиссия C919 самолёти осмонга кўтарилиш учун техник жиҳатдан тайёр деган хулосага келган. Аввалроқ, самолёт ерда бир қанча синовлардан ўтгани, жумладан, Шанхай—Пудун халқаро аэропортида юргазиб кўрилгани хабар қилинганди.
Ушбу самолётни қуриш ишлари 2008 йилда Хитойнинг ҳаво транспорти бозорида ғарблик ишлаб чиқарувчиларга бўлган қарамлигини камайтириш мақсадида бошланган. Самолёт ўриндиқлари сонига (150 дан 174 гача) қараб турли кўринишда ишлаб чиқарилиши мумкин. C919 парвозининг ўртача узоқлиги 4000 километрни ташкил қилади.
Экспертларнинг фикрича, C919 Boeing-737 ҳамда A320 самолётлари билан бир қаторда туради. COMAC 21 та компаниядан 500 дан ортиқ C919 самолётлари учун буюртма олган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)