Иордания қироли Абдулла бин Ҳусайн ҳамда мамлакатга ташриф буюрган Саудия Арабистони қироли Салмон бин Абдулазиз Ал Сауд уранни қазиб олиш ҳамда уни бойитишга ўзаро 3 миллиард доллар сармоя киритиш борасида, шунингдек, денгиз сувини чучуклантириш ҳамда энергия ишлаб чиқариш мақсадида катта бўлмаган ядровий реакторни яратиш келишувини имзолади, дея хабар қилди «Интерфакс».
Иордания расмийлари икки мамлакат Иорданиядаги бир қатор асосий автомагистралларни таъмирлаш учун кредит ажратишга келишиб олгани, шунингдек, ОАВ, сув муносабатлари ҳамда энергетика соҳаларида ҳамкорлик борасида бир нечта келишувларни имзолагани ҳақида баёнот берди.
Салмон бин Абдулазиз Ал Сауд 27 март, душанба куни Иордания пойтахти Амманга мамлакатда давлат ташрифини бошлаш учун етиб келган эди. Шунингдек, қирол 29 март куни бўлиб ўтиши режалаштирилган араб Лигасининг 28-саммитида қатнашади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)