Яманда исёнчилар гуруҳи Саудия Арабистонининг жануби-ғарбидаги Яман чегараси яқинида жойлашган «Қирол Холид» авиабазасига муваффақиятли ракета зарбаси берганини маълум қилди. Бу ҳақда «Интерфакс» хабар берди.
Бу араб коалицияси томонидан Ямандаги исёнчиларга қарши ишлатиладиган асосий авиабаза ҳисобланади.
Исёнчиларга яқин ОАВлар томонидан маълум қилинишича, бир кун олдин исёнчилар авиабазага қарата ўрта узоқликка учувчи ракета учирган. Ракета нишонга муваффақиятли етиб борган, шундан сўнг яна иккита ракета учирилган ва улар ҳам авиабазага талафот етказган.
Бироқ араб коалициясининг маълум қилишича, исёнчилар томонидан тўртта ракета йўналтирилган ва уларнинг барчаси муваффақиятли зарарсизлантирилган.
Коалициянинг маълумотларига кўра, ракеталарнинг нишони «Қирол Холид» авиабазаси жойлашган Ҳамис-Мушайт шаҳри, шунингдек Саудия Арабистони ва Яман чегараси яқинидаги Абҳа шаҳри бўлган.
«Тинимсиз ракета ҳужумлари ноқонуний қурол савдоси давом этаётганидан яққол гувоҳлик беради», — дейилади коалиция баёнотида.
Изоҳ (0)