БМТ бош котиби Антониу Гутерриш Конго демократик республикаси марказий қисмида топилган жасад қолдиқлар жорий йил март ойи ўрталарида бедарак йўқолган халқаро ташкилот инспекторларига тегишли эканлигини тасдиқлади. Бу ҳақда «Интерфакс» хабар бермоқда.
«Касаи провинциясининг Кананга шаҳри ташқарисида 27 март куни топилган қолдиқлар 2017 йил 12 март куни бедарак йўқолган мамлакат бўйича экспертлар гуруҳи аъзолари Майкл Шарп (АҚШ) ва Зайда Каталанга (Швеция) тегишли эканлигини чуқур қайғу билан тасдиқлайман», — дейилади БМТ бош котиби баёнотида.
Антониу Гутерриш халқаро ташкилотнинг ҳалок бўлган ходимлари оилалари, яқинлари ва ҳамкасбларига ҳамдардлик билдирди. Мамлакат расмийларини Шарп ва Каталанга ҳамроҳлик қилган 4 нафар Конго фуқаросини қидиришда давом этишга чақирди.
Изоҳ (0)