Россия Тергов қўмитаси Иркутск вилоятида 22 нафар аёлни ўлдиргани учун умрбод қамоқ жазосига ҳукм қилинган собиқ милиция ходими Михаил Попковга яна 59 та қотиллик ва 1 та ўлдиришга уринишда узил-кесил айблов эълон қилди. Бу ҳақда «РБК» хабар бермоқда.
Терговга манбаларига кўра, Попков 20 йил давомида Иркутск вилоятида камида 84 та қотилликни амалга оширган. 2015 йил январида у 22 нафар аёлнинг умрига зомин бўлгани ва яна 2 нафар аёлни ўлдиришга уринишда айбланиб, умрбод қамоқ жазосига ҳукм қилинганди.
Кейинчалик Попков яна 59 та қотилликни амалга оширганини тан олди. Барча жабрдийдалар 16 дан 40 ёшгача бўлган аёллар эканлиги аниқланди.
Экспертиза томонидан руҳий соғлом деб топилган собиқ милиция ходими аёлларга 1994—2000 йилларда ҳужум уюштиргани қайд этилган. Жиноятчи 2012 йили Владивостокда қўлга олинганди.
Изоҳ (0)