АҚШ Бағдоддаги қўмондонлик сўрови бўйича Яқин Шарққа 200 га яқин десантчи ҳарбий хизматчиларни юборади, деб ёзади «Газета.ru» Fox News’га таяниб.
Телеканал маълумотларига кўра, АҚШ армиясининг 82-ҳаво-десант дивизиясининг иккита қўшимча ротаси Ироққа ёки Сурияга юборилади. Ҳарбий хизматчиларни айнан қаерга жойлаштиришлари аниқ маълум эмас.
Телеканал таъкидлашича, қарор ИШИД гуруҳига қарши курашиш бўйича АҚШ раҳбарлигидаги коалициянинг юқори мансабли командири, генерал-лейтенант Стивен Таунсенд томонидан қабул қилинади.
Пентагон 200 нафар ҳарбийнинг жўнатилиши ҳақида 27 март, душанба куни кўпроқ тафсилотларни маълум қилиши кутилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)