Қирғизистоннинг Кант авиабазасига жойлаштирилган Россиянинг Су-25SМ штурмчи самолётлари ҳамкорликдаги аксилтеррор қўмондонлик-штаб машғулотларида иштирок этиш учун Тожикистонга йўл олди. Бу ҳақда Россия Марказий ҳарбий округ матбуот хизмати маълум қилди, дея хабар беради «Газета.ru».
«Россиянинг Су-25SМ штурмчи самолётлари Қирғизистондаги Кант авиабазасидан икки давлат бирлашган қўшинлар гуруҳини бошқариш бўйича ҳамкорликдаги машғулотларда иштирок этиш учун Тожикистонга юборилди. Самолётлар Душанбедан 30 километр узоқликдаги Айний аэродромида жойлашган авиация гуруҳига қўшилади», — дейилади матбуот хизмати хабарида.
Мазкур ҳарбий ҳаво кемалари экипажлари ноқонуний қуролли тузилмаларнинг база ва омборларига ракета-бомба зарбалари беришни машқ қилиши билдирилмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)