Шимолий Корея АҚШнинг огоҳлантирувчи зарбасига ядровий ҳужум орқали жавоб қайтариш билан таҳдид қилди

Қўшма Штатларнинг Шимолий Кореяга олдиндан зарба беришга уриниши ҳалокатли оқибатларга олиб келади. Бу ҳақда КХДРнинг Миллий тинчлик қўмитаси вакилининг «Нодон синмун» газетасида чоп этилган баёнотида маълум қилинган, дея хабар беради «ТАСС».

«АҚШдан КХДРга қарши ҳарбий машқларни зудлик билан тўхтатиш ва Корея яримороли ҳамда унинг атрофида жойлаштирилган жанговар ядро воситаларини олиб чиқиб кетишни талаб қиламиз. Вашингтон ақл билан иш тутиши ва КХДРга олдиндан зарба беришга уриниш етказиши мумкин бўлган ҳалокатли оқибатлар ҳақида ўйлаб кўриши лозим», — дейилади баёнотда.

КХДР Миллий тинчлик қўмитаси вакили «бундай ҳаракатларнинг бирор аломати сезилган тақдирда, Пхеньян тажовуз ва фитналарнинг барча базаларига қақшатқич ядро зарбаси бериши» ҳақида огоҳлантирди.

«Дарё»нинг Telegram’даги расмий канали — @toshqindaryo’га аъзо бўлинг!