Мисрнинг Шимолий Синай вилояти маъмурий маркази Ал-Ариш шаҳридаги Ozahraa ислом институти биноси диний ақидапарастлар гуруҳи томонидан портлатиб юборилди. Бу ҳақида «Газета.ru» хабар бермоқда.
Гувоҳларнинг сўзларига қараганда, камуфляж либосда бўлган жангарилар бино атрофига бир неча портловчи қурилмаларни жойлаштириб чиққан, кейин эса уларни ҳаракатга келтирган.
Портлаш оқибатида бинонинг ўқув хоналари ва маъмурияти жойлашган тўрт қавати қулаб тушган. Дастлабки маълумотларга кўра, институт ходимлари ёки маҳаллий аҳоли орасида жабрланганлар йўқ.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)