Сурия армияси Ҳама шимолидаги Каукаб шаҳарчасини террорчилардан тозалади

Сурия армияси аскарлари иттифоқчи кўнгиллилар кўмагида Ҳама вилоятининг Каукаб шаҳарчасидан «Жабҳат ан-Нусра» террорчилик гуруҳи қолдиқларини қувиб чиқарди, дея хабар қилади «РИА Новости».

Манба маълумотларига кўра, ҳукумат қўшинлари «Ҳама шаҳридан шимолида бир нечта фронт бўйлаб жанговор ҳаракатларни давом эттирмоқда». «Ҳозир у ерда ‘Жабҳат ан-Нусра’ гуруҳи ва унинг иттифоқчилари жангариларига қарши жадал жанглар кетмоқда», — дея таъкидлади агентлик суҳбатдоши.

Айни вақтда кўплаб террорчилар ва уларнинг бошқарув пунктлари, қурол-аслаҳа омбори, шунингдек, тўртта танк, олтита зирҳли транспортёр ва тўққизта пулемёт ўрнатилган автомобиль йўқ қилинган. Сурия қўшинлари сафидаги йўқотишлар ҳақида ахборот берилмаган.

«Дарё»нинг Telegram’даги расмий канали — @toshqindaryo’га аъзо бўлинг!