Тошкент шаҳрида 2017 йил бошидан бери 183 пиёда йўл ҳаракати қоидаларини бузганлиги учун жаримага тортилди. Бу ҳақида 23 март куни бўлиб ўтган брифинг доирасида Тошкент шаҳар ИИББ Йўл ҳаракати хавфсизлиги бошқармаси матбуот хизмати раҳбари, майор Алишер Абдуқодиров маълум қилди, дея хабар бермоқда «Новости Узбекистана».
Майорнинг таъкидлашича, пиёдалар ҳам худди автомобиль ҳайдовчилари каби йўл ҳаракати иштирочилари ҳисобланади. Баъзи ҳолларда айнан пиёдалар йўл-транспорт ҳодисасининг келиб чиқишига сабаб бўлмоқда.
Ҳозирги кунда пиёдалар учун жарима энг кам ойлик иш ҳақининг 0,3 баробарини ташкил қилади. Йўл ҳаракати қоидалари бузилган тақдирда инспектор фуқаронинг шахсини аниқлаши керак.
Агар қоидабузарнинг ёнида шахсини тасдиқловчи ҳужжат бўлмаса, уни туман ички ишлар бўлимига олиб бориш керак бўлади. Шахси аниқлангач, инспектор пиёдага нисбатан жаримани расмийлаштиради.
Қайд этишларича, пиёданинг қоидабузарлиги билан боғлиқ битта ҳодисани расмийлаштириш икки соатча вақт талаб қилгани сабаб жаримага тортилганлар сони кам.
Бироқ, йўлларда камералар ишга тушгани муносабати билан, ЙҲХБ ходимлари пиёдалар томонидан йўл қўйилаётган қоидабузарликлар билан жиддий шуғулланади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)