Германиялик олимлар дунёдаги энг катта «сунъий қуёш» — экологик тоза ёқилғи ишлаб чиқариш учун зарур интенсив ёруғлик манбасини яратди. Бу ҳақда The Guardian хабар бермоқда.
Прожекторлар билан боғлиқ тажриба Кёльн шаҳридан 50 километр узоқликдаги Германия аэрокоинот марказида ўтказилмоқда. Бу ерда олимлар табиий ёритишдан 10 минг баробар кўп бўлган ёруғликни жамлаган 149 прожектордан иборат қурилмани ўрнатди.
Агар барча лампаларни бир нуқтага йўналтирса, у ердаги ҳарорат Цельсий бўйича 3,5 минг даражага кўтарилиши билдирилмоқда.
Тажрибадан кўзланган асосий мақсад водород ёқилғиси тайёрлаш учун етарли ҳажмдаги қуёш энергиясини олиш усулини ишлаб чиқишдан иборат.
Олимлар лампалар ёрдамида сув буғидан кейинчалик самолёт ва автомобиллар учун ёқилғи тариқасида фойдаланиш мумкин бўлган водородни ажратиб олиш ниятида.
Изоҳ (0)