Кимё бўйича Нобель мукофоти лауреати Жорж Ола 89 ёшида Беверли-Ҳиллздаги (АҚШ, Калифорния штати) уйида вафот этди. Бу ҳақда олим охирги йилларда фаолият олиб борган Жанубий Калифорния университети маълум қилди, дея хабар беради «ТАСС».
Жорж Ола 1994 йилда карбокатионлар соҳасидаги тадқиқотлари учун нуфузли мукофотга сазовор бўлган эди.
Мазкур изланишлар туфайли нефтни қайта ишлаш ва бензин ишлаб чиқаришнинг самарали, экология учун хавфсиз усуллари учун асос яратилди.
Мукофот пулига Ола истеъдодли олимларни қўллаб-қувватлаш фондини тузди. У 20 китоб, 1500 дан ортиқ мақола муаллифи бўлиб, дунёнинг 7 давлатида 160 та патент олганди.
Изоҳ (0)