Korzinka.uz супермаркетлар тармоғи байрам муносабати билан «Ассалом, Наврўз!» сумалак тадбирини ўтказди.
20 март куни тармоқнинг 11 та дўкони ҳовлисидаги 13 та дошқозонда ходимлар ҳамда маҳаллаларнинг ёши улуғ онахонлари томонидан тайёрланишни бошлаган сумалаклар 21 март куни эрта тонгдан барча ҳудудлардаги дўконларда тарқатилди.
Таъкидлаш керакки, нафақат харидорлар, маҳаллий аҳоли, балки яқин атрофдаги маҳаллаларда истиқомат қилувчилар ҳам туни билан шўх рақслар, миллий чолғу асбобларидан таралган куйлардан баҳраманд бўлиб, дўкон ходимлари билан биргаликда тайёрлаш жараёнида иштирок этди.
Берилган маълумотларга кўра, ушбу мазали ва фойдали баҳорий таомга 1060 кг буғдой, 250 литр ёғ ва 3710 кг ун керак бўлди.
Anglesey Food шўъба корхонасига қарашли Korzinka.uz тармоғи 2009 йилдан буён ушбу тадбирни мунтазам ўтказишни анъана қилиб олган.
Реклама ҳуқуқи асосида
Изоҳ (0)