Мелания Трамп ҳақида кўпчилик билмайдиган 5 та факт

Share America платформаси АҚШ президенти Дональд Трампнинг рафиқаси Мелания Трамп ҳақида кўпчиликка маълум бўлмаган бешта фактни ошкор қилди.

Полиглот

Мелания Трамп бешта тилда сўзлаша олади. Ўзининг она тили — словен тилидан ташқари, у инглиз, француз, серб ва немис тилларини билади.

Опаси

Мелания Трампга энг яқин ваколатли шахслар орасида унинг опаси Инес Кнаусс ҳам бор. Опа-сингиллар ёшлигида Словения пойтахти Люблянадаги дизайн мактабида бирга ўқиган. Кнаус синглисининг тўйида келин дугонаси бўлган.

АҚШда туғилмаган биринчи хонимларнинг иккинчиси

Мелания АҚШда туғилмаган биринчи хонимларнинг иккинчисидир. Биринчиси президент Жон Куинси Адамс (1825—1829 йиллар)нинг рафиқаси, асли буюк британиялик Луиза Адамс бўлган. Мелания Югославиянинг Ново-Место шаҳрида, ҳозирги Словенияда туғилган.

Инсонпарвар кўнгилли

Мелания 2005—2009 йилларда Америка Қизил Хоч инсонпарварлик ташкилотининг яхши ният элчиси бўлган.

Баланд бўйли

Америкалик аёлларнинг ўртача бўйи 162,5 сантиметрни ташкил этади, шу туфайли, Трамп энг баланд бўйли биринчи хонимлардан саналади. 180,3 см бўйи билан у Элеонора Рузвельт ва Мишель Обама сафидан жой олади.