Наврўзни UMS билан бирга нишонлаймиз

UMS мобил оператори баҳор ва янгиланиш айёми Наврўзга атаб амалдаги абонентлар ва бўлажак мижозлар учун янги сюрпризлар тайёрлаб қўйди.

14 мартдан бошлаб UMS компанияси Давра, Facebook, «Одноклассники» ижтимоий тармоқларида бепул мобил интернет-трафик ютиб олиш имкониятини берувчи «Наврўз муборак!» танловини ўтказишни бошлади. Танловнинг асосий шарти – изоҳларда ўзига хос байрам табригини жойлаштириш ва ўтказилаётган танлов ҳақидаги маълумотни иложи борича кўпроқ дўстларга улашиш. Наврўз айёми арафасида умумий ҳисобда тўққизта – ҳар бир ижтимоий тармоқда учтадан ғолиб аниқланади.

Яна бир фаоллик компаниянинг республика бўйича барча офисларида ўтказилади. Унинг доирасида UMS’нинг айнан белгиланган тариф режаларига уланган янги абонентлар кафолатланган совға – компания бренди туширилган футболкага эга бўлади. Акция 20 март куни бошланади ҳамда бир ой давомида ўтказилади. Шундай қилиб, UMS мобил операторига уланмоқчи бўлганларнинг барчасида буни амалга ошириш учун яна бир сабаб пайдо бўлади.

Бундан ташқари, баҳорнинг илк ойида UMS ва Huawei компанияларининг қўшма лойиҳаси ишга тушди. Huawei смартфон ва планшетларини харид қилган акция иштирокчилари UMS’дан уч ой давомида ҳар ой 2000 мегабайтдан 4000 мегабайтгача бепул олишлари мумкин.

Акцияларимизни йилнинг энг ёрқин байрамларидан бири бўлган Наврўзга тайёрлар эканмиз, нафақат янги, балки амалдаги абонентларимиз манфаатларини ҳам ўйладик. Уларга узоқдан туриб (ижтимоий тармоқлардаги танлов) ва бевосита офисларда иштирок этишга имконият яратдик. Шуни айтиб ўтиш жоизки, 19–21 март — дам олиш ва байрам кунлари компаниянинг барча офислари эшиклари абонентлар учун очиқ бўлади.

UMS тижорат директори Сайёджон Маткаримов

Яқин орада UMS мобил оператори янгидан-янги сюпризларни тақдим этади. Компания янгиликларидан бохабар бўлиш учун расмий Telegram-каналларга @UMSrus (рус тилида) ва @UMSuzb (ўзбек тилида) уланиш мумкин.

UMS билан боғланиш

e-mail: pr@myums.uz

Web: www.ums.uz

UMS компанияси ҳақида:

Universal Mobile Systems МЧЖ компанияси – GSM, UMTS ва 4G LTE стандартларида мобил овозли алоқа ва мобил интернетга кириш замонавий хизматларини кўрсатувчи Ўзбекистон телекоммуникация корхонаси. Компания 2014 йилнинг 1 декабрида тижорий фаолият бошлаган. Компания таъсисчиси – Ўзбекистон Республикаси Ахборот технологиялари ва коммуникацияларини ривожлантириш вазирлиги қошидаги «Радиоалоқа, радиоэшиттириш ва телевидение» ДУК.

Реклама ҳуқуқи асосида