Париж шимолидаги Стен коммунасида номаълум шахс ҳужжат текшируви вақтида полициячиларга қарата ўт очди. Бу ҳақда «Газета.ru» хабар бермоқда.
BFMTV телеканали хабарига кўра, ҳодиса 18 март куни маҳаллий вақт билан 7:00 (Тошкент вақти билан 11:00) атрофида юз берган. Уч полициячи автомобилни тўхтатган. Ҳайдовчи ҳужжатларини топширган, сўнг қўлига қурол олиб, тартиб посбонларига қарата ўқ узган.
Полициячилардан бири яраланган. Ҳайдовчи ўзининг Renault Clio автомобилида ҳодиса жойидан қочиб кетган. Полициянинг дастлабки тахминига кўра — ҳайдовчи бироз кейинроқ Орли аэропортида юз берган отишмага алоқадор.
18 март куни тонгда номаълум шахс Парижнинг Орли аэропортидаги ҳарбий патрулга ҳужум қилди. Ҳарбийлар унга қарата ўт очган, ҳужум қилган шахс ҳодиса жойида ҳалок бўлган. ИИВ ахборотига кўра, ҳеч ким жабрланмаган.«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)