Истанбул осмонида иккита самолётни яшин урди

Истанбулнинг Отатурк аэропортида қўнишга шайланаётган икки самолётни яшин урди. Бу ҳақда Tengrinews хабар бермоқда.

Яшин биринчи самолётнинг корпусига келиб урилганидан сўнг, диспетчерлар бу ҳақда иккинчи самолётга хабар берган.

Иккинчи самолёт яшиндан қочиш мақсадида қўнишдан олдин қўшимча айланага кирган вақти уни ҳам барибир яшин урган.

Ҳар иккала самолёт муваффақиятли қўнган. Ҳодиса оқибатида йўловчиларнинг жабрлангани ҳақида ахборот йўқ.

Қайд этишларича, Истанбулда бир неча кундан бери кучли ёғингарчилик давом этмоқда.

«Дарё»нинг Telegram’даги расмий канали — @toshqindaryo’га аъзо бўлинг!