Америкаликлар 16 март, пайшанба куни Суриянинг Идлиб вилоятида «Ал-Қоида» гуруҳи жангариларига авиазарба берди. Бу ҳақда АҚШ Қуролли кучлари Марказий қўмондонлиги баёнотида маълум қилинди, деб ёзади «ТАСС».
«АҚШ Қуролли кучлари 16 март куни Суриянинг Идлиб вилоятида ‘Ал-Қоида’ жангариларининг учрашув жойига авиазарба бериб, бир нечта террорчини йўқ қилди. Идлиб сўнгги бир неча йилдан буён ‘Ал-Қоида’нинг энг йирик бошпаналаридан бири бўлиб келмоқда», — дейилади баёнотда.
Марказий қўмондонлик вакиллари, шунингдек, жорий йилнинг январида бошқа ҳужум давомида юздан ортиқ жангари тайёрланаётган экстремистлар тайёрлаш лагери йўқ қилинганлигини эслатиб ўтди.
Ҳодисанинг бошқа тафсилотлари маълум қилинмади.
Изоҳ (0)