Кардифф университети талабаси Лоуренс Корт ўз Twitter’ида гуруҳ чатига «бостириб кирган» полициячилар билан ноодатий ёзишма ҳақида гапириб берди, деб ёзади Mashable.
Йигитнинг сўзларига кўра, унинг дўсти Кэмерон номидан талабаларнинг коллектив суҳбатига тартиб посбонлари қўшилган. Улар йўлда маст йигитни учратиб қолиб, уни уйига олиб бориб қўйишга қарор қилганини айтган. Аммо телефон эгаси шунчалик сархуш бўлганидан, ўз манзилини аниқ талаффуз қилиб айта олмаган.
Дастлаб чат иштирокчилари бу воқеага ишонмаган ва уни ҳазил деб ўйлаган. Аммо полициячилар вазият реал эканлигини исботламоқчи бўлиб, суҳбатга ўз селфиларини илова қилган.
Корт чат скриншотларини ўз Twitter’ига жойлади, шундан сўнг пост машҳур бўлиб кетди. Бир неча кун ичида унга 68 мингта лайк босилди ва у 21 минг мартдан кўпроқ репост қилинди.
Изоҳ (0)