Ливия армияси Рас-Лануф шаҳри аэропортидан жангариларни қувиб чиқарди

Ливия ҳукумат армияси 14 март, сешанба куни нефть конларини қайтариш бўйича бошланган операция давомида Ливиянинг Рас-Лануф шаҳри аэропортидан жангариларни қувиб чиқарди. Бу ҳақда Sky News Arabia телеканали маълум қилди, деб ёзади «РИА Новости».

Март ойи бошида «Бенгази мудофаа бригадаси» Эс-Сидр ва Рас-Лануф портларига ҳужум қилиб, у ердан Ливия миллий армияси қўмондони Халифа Хафтар бошчилигидаги кучларни суриб чиқарган эди. Шундан сўнг улар нефть объектларини Триполидаги Ливия расмийларига топширди. Ливия расмийлари, ўз навбатида, ҳужумга алоқасини рад этди.

14 март, сешанба куни Ливия парламенти спикери Оқил Солиҳ Иса Ливия миллий армияси яқин вақт ичида жангарилар томонидан эгаллаб олинган нефть конлари ва портларни қайтаришини маълум қилди.

«Дарё»нинг Telegram’даги расмий канали — @toshqindaryo’га аъзо бўлинг!