Малайзиянинг Куала-Лумпур аэропортида ўлдирилган Шимолий Корея раҳбарининг акаси — Ким Чон Намнинг шахси тасдиқланди. Бунда унинг ўғлининг ДНК намунасидан фойдаланилди. Бу ҳақда Reuters агентлиги Малайзия бош вазири ўринбосари Аҳмад Зоҳид Ҳамидийга асосланиб хабар берди, деб ёзади «РИА Новости».
Бу Ким Чон Нам эканлигини яна бир бор тасдиқлайман. Унинг фарзандидан олинган намуналар ҳам бунга асос бўлиб турибди.Ёнидан Ким Чхол исмига берилган КХДР фуқаролик паспорти топилган шахс 13 февраль куни Куала-Лумпур аэропортида оламдан ўтганди. Полиция унинг танасидан халқаро кимёвий қуроллар конвенциясига кўра тақиқланган асабни фалажловчи заҳар — VX’нинг изларини топган.Аҳмад Зоҳид Ҳамидий, Малайзия бош вазири ўринбосари
Жанубий Корея аввал бошидан марҳум Шимолий Корея раҳнамоси Ким Чен Иннинг акаси Ким Чон Нам эканлигини таъкидлаган эди. Малайзия полицияси ҳалигача Шимолий Корея фуқаросининг ўлдирилиш сабабини аниқлагани йўқ. Унинг шахсини тасдиқловчи якуний қарорга ҳам узоқ вақт кела олишмаган эди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)