Сурияда 6 йилдан бери давом этаётган қуролли можаро давомида мамлакат саноатига 100 миллиард доллардан ошиқ зарар етказилди. Бу ҳақда Сурия саноат палаталари уюшмаси раиси Фарис аш-Шаҳобий маълум қилди, дея хабар беради «РИА Новости».
2011 йилда бошланган «Сурия инқилоби»нинг биринчи кунларидан асосий зарба саноат инфраструктурасига қаратилди. Мажбурий иш ташлашлар, талончиликлар, одамларни ўғирлаш, корхоналар эгалари ва ходимларини ўлдириш... 2012 йилда Алеппонинг саноат ҳудудларини аксари эгаллаб олинди, қатор корхоналар йиғиштирилиб, Туркияга олиб кетилди. Ҳозиргача уларнинг кўпи жангарилар назорати остида бўлиб турибди.Сурия саноат палаталари уюшмаси раисига кўра, юзага келган вазиятда тузилма томонидан мамлакатда ишлаб чиқаришни аввалги даражага чиқариш бўйича қатор ташаббуслар илгари сурилди. Улар асосан вайрон этилган саноат зоналарини тиклаш, шунингдек, махсус иқтисодий зоналарни ривожлантиришдан иборат.Фарис аш-Шаҳобий, Сурия саноат палаталари уюшмаси раиси
Биз биринчи галда ички ресурслар ва хориждаги фуқароларимиз имкониятига таянамиз. Шунингдек, Россия, Хитой, Эрон каби дўстларимиз, бизга қарши фитна уюштирмаётган айрим араб давлатлари кўмагидан умид қиламиз.Фарис аш-Шаҳобий, Сурия саноат палаталари уюшмаси раиси
Изоҳ (0)