Тошкент вилояти ҳокими Шукурулло Бобоев раҳбарлигидаги Ўзбекистон делегацияси мамлакатлар ўртасида ўзаро ижтимоий-иқтисодий ва маданий алоқаларни йўлга қўйиш учун Россиянинг Санкт-Петербург шаҳрида ташриф билан бўлиб турибди, дея хабар бермоқда UzDaily.
2017 йил 13 март куни Тошкент вилояти ҳокими Санкт-Петербург губернатори Георгий Полтавченко билан музокаралар ўтказди.
Учрашув чоғида томонлар Ўзбекистон ва Россия компаниялари ўртасидаги саноат, қишлоқ хўжалик маҳсулотлари экспорти каби йўналишлар бўйича ўзаро манфаатли ҳамкорлик истиқболларини, шунингдек, маданий алоқаларни йўлга қўйиш ва туризм масалаларини муҳокама қилди.
Суҳбатда асосий эътибор меҳнат миграцияси масалалари бўйича ҳамкорликка қаратилди. Шунингдек, Санкт-Петербургда Ўзбекистон Бош консулхонаси очилиши билан боғлиқ мавзу ҳам тилга олинди.
Учрашув якунлари бўйича, Санкт-Петербург маъмурияти раҳбариятининг бизнес доиралар билан бирга Ўзбекистонга ноябрь ойида жавоб ташрифи билан бориши, шунингдек, ҳудудлар тадбиркорлари ўртасида тизимли асосда видеоконференциялар ўтказишни ташкил қилиш ҳақида келишиб олинди.
Изоҳ (0)