Жанубий Корея КХДРни мамлакатнинг ички ишларига аралашишга уринишда айблади

Жанубий Корея Республикаси КХДРни унинг ички ишларига аралашишга ва президентлик сайловлари олдидан жамиятни парчалашга уринишда айблади. Бу ҳақда Республика Бирлашиш вазирлиги расмий вакили Сеулда журналистлар учун бўлиб ўтган брифингда маълум қилди, деб ёзади «ТАСС».

«Шимолий Корея ички ишларга (Корея Республикасининг) аралашиш ва муддатдан олдинги президентлик сайловлари олдидан унинг фуқаролари ўртасида нифоқ солишни кўзловчи сигналларни йўлламоқда», — дея таъкидлайди мансабдор.

Аввалроқ КХДР марказий газетаси «Нодон синмун» импичмент туфайли лавозимини тарк этган Корея Республикаси собиқ президенти Пак Кин Хени кескин танқид қилган эди.