Аддис-Абеба чиқиндихонасидаги кўчки қурбонлари сони 65 кишига етди

Эфиопия ҳукумати мамлакат пойтахти Аддис-Абеба чеккасидаги чиқинди полигонида юз берган кўчки оқибатида ҳалок бўлганлар сони 65 кишига етганини тасдиқлади. «ТАСС» хабарига кўра, яна ўнлаб одамлар бедарак йўқолган, деб гумон қилинмоқда.

Коше чиқиндихонаси ҳудудида фалокатгача ўнлаб вақтинчалик уйлар қурилган бўлиб, уларда юзлаб одамлар оилалари билан истиқомат қилар, чиқиндиларни тўплаш ва саралаш билан шуғулланар эди.

11 март куни юз берган кўчки бутун шаҳарчани ютиб юборди, одамлар эса тонналаб чиқинди остида қолиб кетди. Қутқарувчилар ҳозиргача 37 кишини қутқариб олишга муваффақ бўлди.

Пойтахт маъмурият шу вақтгача полигонда яшаб келганларни нормал бошпана билан таъминлашга ваъда берган.

«Дарё»нинг Telegram’даги расмий канали — @toshqindaryo’га аъзо бўлинг!