Ўзбекистон Республикасининг Биринчи Президенти Ислом Каримовнинг 2016 йил 13 майдаги фармони билан Алишер Навоий номидаги Тошкент давлат ўзбек тили ва адабиёти университети яратилиши белгиланган эди.
Вазирлар Маҳкамасининг худди шу санадаги қарорига биноан, янги ташкил этилган ўқув юрти Тошкент давлат педагогика университетининг Юсуф Хос Ҳожиб кўчаси, 103-уй ҳудудидаги асосий биносига жойлашиши эълон қилинган.
Бугунги кунда ушбу ҳудудларда қурилиш ҳамда реконструкция ишлари олдиндан режалаштирилган график асосида олиб борилмоқда. Хусусан, университет атрофидаги ва кириш қисмидаги ерости эски қувурлар ўрнига янгиларини ўрнатиш, яроқлилик муддати ўтиб, нураб қолган бетонлар, деворларни янгилари билан алмаштириш, Низомий Ганжавийнинг бошқа манзилга олиб ўтилган ҳайкали атрофидаги айланма йўлнинг йўналишларини қулай шаклга келтириш ҳаракатлари олиб борилмоқда.
Аҳоли ва талабаларнинг пиёда ҳаракатланиши учун қулай шароит ҳозирлаш мақсадида йўлкалар ҳамда махсус йўлаклар барпо этилиши режалаштирилмоқда.
Эслатиб ўтамиз, аввалроқ ушбу ҳуддуда жойлашган Низомий номидаги Тошкент давлат педагогика университети (ТДПУ) 1-сон Тошкент педагогика коллежи биноларига кўчириб ўтказилган ва муассаса учун янги бинолар қурилиши 2017 йилнинг 1 августига қадар тугатилиши лозим.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)