Ўзбекистон Президентининг 21 февралдаги «Фарғона иссиқлик электр маркази ҳудудида ва Фарғона шаҳар РК-3 қозонхонаси ёнида юқори самарали когенерацион газ турбина технологияларини татбиқ этиш лойиҳасини амалга ошириш чора-тадбирлари тўғрисида»ги қарори ижроси юзасидан амалий ишларга қўл урилмоқда. Бу ҳақда Фарғона вилояти ҳокимлиги ахборот хизмати хабар бермоқда.
«Фарғона иссиқлик электр маркази»да битта 17 мегаватт қувватли ва Фарғона шаҳар РК-3 қозонхонасида битта 7 мегаватт қувватли юқори самарали когенерацион газ қурилмаларини қуриш лойиҳаси амалга оширилиши билан вилоятимиз марказига узлуксиз иссиқлик энергиясини етказиб бериш ва электр энергиясидан бўлган танқисликни қисқартириш, атроф-муҳитга чиқаётган зарарли чиқиндиларнинг таъсирини камайтириш ҳамда ёқилғи энергетика ресурсларини тежашга эришилади.Мазкур лойиҳанинг умумий қиймати 83,6 миллион доллар бўлиб, ундан 34,1 миллион «Ўзбекенерго» маблағлари, 49,5 миллион доллар эса Япониянинг энергетика ва саноат технологияларини ривожлантириш ташкилоти (NEDO) маблағлари ҳисобига тўғри келади.Ф.Абдураҳмонов, Фарғона иссиқлик электр маркази раҳбари
Лойиҳа доирасида Япониянинг Kawasaki Heavy Industries ва Marubeni Utility Services компаниялари томонидан бутловчи жиҳозлар, эҳтиёт қисмлар, материалларни олиб келиш ва ўрнатиш ишлари амалга оширилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)