АҚШ ва Фаластин раҳбарлари Исроил билан келишиш имкониятларини муҳокама қилди

Фаластиннинг Исроил билан муносабатларини тартибга солиш вақти келди. Бу ҳақда АҚШ президенти Дональд Трамп Фаластин миллий мухторияти раҳбари Маҳмуд Аббос билан телефон орқали мулоқоти чоғида маълум қилди, дея хабар беради «Коммерсант.ru».

«Тинчлик келишуви икки томоннинг тўғридан-тўғри музокаралари натижаси бўлиши лозим. АҚШ бу мақсадга эришиш учун Фаластин ва Исроил етакчилари билан изчил ҳамкорликда ишлайди. Нафақат Қўшма Штатлар, балки бошқа ҳар қандай томон ҳам исроилликлар ва фаластинликларга ўз қарорларини тиқиштира олмайди», — дея таъкидлади Трамп мулоқот давомида.

Эслатиб ўтамиз, олдинроқ Дональд Трамп Исроил бош вазири Биньямин Нетаньяхуга Исроил ва Фаластин ўртасидаги баҳс мавзусига айланган ҳудудларда манзилгоҳлар қуришдан «бироз тийилиб туриш»ни маслаҳат берган эди.

«Дарё»нинг Telegram’даги расмий канали — @toshqindaryo’га аъзо бўлинг!